Sognefjorden

Den lengste fjorden i verda, Sognefjorden, ligg midt i Fjord Norge og strekkjer seg heilt inn til foten av nasjonalparkane Jotunheimen og Jostedalsbreen.

 

I dette området er naturen både dramatisk og gjestmild, og innbyr til spennande og forfriskande aktivitetar for heile familien. I Jostedalsbreen Nasjonalpark får du oppleve den største isbreen på det europeiske fastlandet, der den strekkjer mektige armar av blåis ned i frodige dalar. Jotunheimen Nasjonalpark består av dei høgste fjella i Norge, og den nasjonale turistvegen som går her, Sognefjellsvegen, er den høgste fjellovergangen i Nord Europa.

 

Nokre av dei høgste fossane i Norge ligg også ved Sognefjorden. Levande bygdesamfunn byr på ekte kulturopplevingar. Her ligg unike opplevingssenter og museum, som Norsk Bremuseum, Breheimsenteret, Sogn Folkemuseum, Sognefjord Akvarium og Den Norske Bokbyen. Fleire av dei mest kjende stavkyrkjene finn du også her. Urnes Stavkyrkje er den eldste i Norge, og står på UNESCO si verdsarvliste.

 

 Brosjyrer

 Kart

 

 Les meir informasjon på: www.sognefjord.com